Ардагерлерге құрмет - ерлікке тағзым!

1978 жылы Ауғанстанда сәуір айында төңкеріс болып, оның арты аяқталмас соғысқа айналды. Бұл қасірет елдің тек өз ішінде ғана емес, оған сырт мемлекеттердің қатысуымен де ұзаққа созылды. 1989 жылдың 15-ақпан күні Кеңестер Одағының әскері Ауған жерінен шығарылды. Міне, содан бері тура ширек ғасыр өтіпті. Ресми деректерге сүйенсек, 22 269 қаракөз сарбазымыз Ауғанстанда қан кешіпті. Олардың 21-і із-түзсіз жоғалып, мыңға жуығына Ауған жерінен топырақ бұйырған. 1015 азаматымыз елге мүгедек болып оралған. Қазір Ауған соғысында от кешкен 18 мыңнан аса азаматымыз арамызда жүр. Солардың ішінде «Бозашы Транс Құрылыс» ЖШС (БТКБ) 4 ардагер, «West Oil Servisec» ЖШС (ЖТКБ) 4 азаматымыз және «Ойл Транспорт Корпорейшэн» ЖШС 3 батырларымыз бар.  

Соңғы совет әскерлері Ауған жерінен кеткеніне 30 жыл толуына орай  «Ойл Транспорт Корпорейшэн» ЖШС-гі мекемеде қызмет атқарып жүрген Ауған соғысының ардагерлеріне құрмет көрсетті. Қан майданда жүріп Отан алдындағы борышын өтеп келген азаматтар: Наурыз Муханбедиұлы Махамбетов, Сакыпкали Абденұлы Кенжебаев, Бердигали Утеулиұлы Сугиров кездесуге шақырылды.  Жиынға «ОТК» ЖШС басшылығы, «ОТК» ЖШС ӘБ «Қызметкерлердің жергілікті кәсіподағының» төрағасы мен бөлім басшылары қатысты.

Кездесуде сөз алған «Ойл Транспорт Корпорейшэн» ЖШС директорының қызметкерлерді басқару, еңбек ақы төлеу және әлеуметтік саясат жөніндегі орынбасары Нұрлан Жабагиевич Құрмашев, ардақты батырларымыздың жиын қонағы болғанына алғысын білдіріп, ардагерлердің батылдықты және қаһармандықты көрсете білгені үшін, қоғамдық өмірге де белсене араласатындығын алға тартты. «ОТК» ЖШС ӘБ «Қызметкерлердің жергілікті кәсіподағының» төрағасы Марат Темірқасов азаматарға біздің еліміздің тыныштығы мен бақытты ұрпақтар үшін еңбектеріне алғысын айтып, жылы лебізін білдірді.

Шара барысында батырларымыз басынан өткен оқиғалары жайында еске түсіріп, алғаш Ауған жеріне барғандарын айтып берді. Ауған соғысының әлі сарғайып үлгермеген қатпарлы парақтарына үңіліп қарай  келе,  жігерлі азаматтарымыздың  қанды қырғында қаймықпай соғысқанына анық көзіміз жетті.

Осындай маңызды да, тағлымды шараның  құрметті мейманы ретінде шақырылған соғыс ардагерлерін «Ойл Транспорт Корпорейшэн» ЖШС-і атынан ержүрек батырларымызға Отан алдындағы борыштарын  адал атқарғандары,  батылдық пен ерліктің ерен үлгісін көрсеткен қаһармандығы үшін Кеңес әскерінің Ауған жерінен шығарылуының 30 жылдығымен құттықтап, арнайы сыйлықтар табысталды.

6 марта 2017

План мероприятия по решению поставленных вопросов работников

План мероприятия по решению поставленных  вопросов работников на отчетной встречи Первого руководителя и на встречи с представителями работников (Профсоюз)