8-НАУРЫЗ МЕРЕКЕСІ ҚАРСАҢЫНДА «ОЙЛ ТРАНСПОРТ КОРПОРЕЙШЭН» ЖШС ӘЙЕЛДЕР ҚАУЫМЫН МЕРЕКЕМЕН ҚҰТТЫҚТАДЫ

Сұлулық пен шуақты көктем мейрамы 8 наурыз Халықаралық әйелдер мерекесі қарсаңында «Ойл Транспорт Корпорейшэн» ЖШС ер азаматтарының ұйымдастыруында салтанатты іс-шара өтті. Мерекелік ән шырқалып, шақырылған аруларға гүл шоқтары тарту етілді.

Салтанатты шарада сөз алған «Ойл Транспорт Корпорейшэн» ЖШС бас директорының өндіріс жөніндегі орынбасары Б.Сүгіров: «Бүгінгі таңда әйел-ана, тек отбасын ойлайтын тұлға емес, егемен еліміздің мақсатын, міндеттерін орындауға зор үлес қосып отырған қоғам мүшесі. Сондай ғажап аналар, сұлу арулар біздің арамызда. Сіздер әйел-ана – тіршілік шырайы, береке мен бірлік шырағы, ырыс пен ынтымақ тұрағысыздар. Ананы ардақтау, Әйелді құрметтеу – адамзат баласының қасиетті парызы. Мен өз атымнан және барша ер азаматтар атынан осы отырған апаларымызды, қыз-келіншектерді Халықаралық әйелдер мерекесімен шын жүректен құттықтаймын» - деп құттықтау тілегін айтты.

«ОТК» ЖШС «Қызметкерлердің жергілікті кәсіподағының» ҚБ төрағасы М.Темірқасов барша әйелдерді мейрамдарымен құттықтады.

- «Бүгінге дейін ұрпақтар сабақтастығы деген ұғымды берік ұстанып келе жатырсыздар. Келе жатырған төл мерекелеріңізбен шын жүректен құттықтаймыз. Дендеріңізге саулық, отбасыларыңызға амандық»,- деп тілегін білдірді.

Салтанатты шарада «ҚазМұнайГаз» ҰК АҚ басқарма төрағасы Алик Айдарбаев атынан «ОТК» ЖШС арулары алғыс хаттармен марапатталды. Алғыс хаттарға ие болған М.Джанахметова, С.Рейпенова, Б.Жолмағанбетова, Р.Селбаева, М.Яхина және Г.Ақмурзина. «Самұрық-Қазына» корпоративтік университеті атынан Ж.Жакишева, Ұ.Естек, О.Тупица, К.Елчибекова сынды  көркем де сұлу апаларымызға алғыс хаттар табысталды.

16 қыркүйек 2022

ЕҢБЕК ДЕМАЛЫСЫНА ШЫҚҚАН «ОТК» ЖШС ЗЕЙНЕТКЕРЛЕРІ БАС ҚОСТЫ